Sítrónu Humar Pasta

Sjóðið pastað samkvæmt leiðbeiningum á pakka. Geymið smá af pastavatni (um ½ dl) til að þynna sósuna ef þarf.

Afþýðið og steikið humarinn(afhýddur og skorinn í bita) á pönnu í ólífuolíu eða smjöri yfir meðalhita í 2–3 mínútur, þar til hann er rétt soðinn í gegn og byrjaður að taka lit. Takið hann af pönnunni og leggið til hliðar.

Steikið hvítlaukinn í sömu pönnu í 1 mínútu. Bætið hvítvíni (eða grænmetissoði) út í og látið malla í 2–3 mínútur þar til það hefur gufað lítillega upp.

Bætið við sítrónusafa og -rifnum börk, rjóma og parmesan. Látið malla létt þar til sósan þykknar örlítið. Smakkið til með salti og pipar.

Setjið humarinn aftur í sósuna og blandið pastanu saman við. Ef þarf má bæta pastavatni til að fá rétta áferð.

Berið fram með ferskri steinselju, parmesan og sítrónubátum.