Reglurnar okkar, án flókins lagamáls.

1. Inngangur

BaraMatur er vettvangur þar sem við deilum uppskriftum, höldum utan um eldhús samfélagsins og hjálpum fólki að elda betur. Með því að nota síðuna samþykkir þú þessa skilmála. Við höldum þeim stuttum, því langir skilmálar eru sjaldan lesnir og okkur þykir mikilvægara að þú eldir.

Rekstraraðili er BaraMatur ehf., skráð á Íslandi. Samband: baramatur@baramatur.is.

2. Aðgangur og aldur

Til að stofna aðgang þarf að vera að minnsta kosti 13 ára. Þú berð ábyrgð á innskráningunni þinni: veldu lykilorð sem erfitt er að giska á og deildu því ekki.

Þú mátt eyða aðgangnum þínum hvenær sem er. Sendu okkur línu á baramatur@baramatur.is eða notaðu „Eyða aðgangi“ undir Mínar stillingar.

3. Uppskriftir frá samfélaginu

Þegar þú sendir inn uppskrift er hún áfram þín eign. Þú gefur okkur leyfi til að birta hana á BaraMatur, á samfélagsmiðlum okkar og í markaðsefni sem vísar beint á BaraMatur, alltaf með nafninu þínu. Þú mátt taka uppskrift úr birtingu hvenær sem er.

Til að halda gæðum fara uppskriftir í stutt samþykki áður en þær birtast. Við höfnum uppskriftum sem eru ólæsilegar, afritaðar úr óleyfilegri heimild eða ganga gegn almennri sómatilfinningu, og látum þig vita af því.

4. Framkoma í samfélaginu

BaraMatur er samfélag matgæðinga. Hér er pláss fyrir rök, smekk og skoðanir, en ekki fyrir níð, auglýsingar eða sendingar sem eiga lítið skylt við mat. Athugasemdir sem ganga gegn þessu verða fjarlægðar og aðgangur getur verið lokaður tímabundið eða varanlega eftir alvarleika brotsins.

5. Næringarupplýsingar

Næringargildi á uppskriftum eru áætluð og reiknuð út frá hráefnagrunninum okkar og meðaltölum. Þau geta vikið frá raunverulegri næringu eftir vörumerki, stærð og eldunaraðferð. Ef þú ert með ofnæmi, sjúkdóm eða fylgir sérstöku mataræði, treystu merkingum á umbúðum og fagráðgjöf.

6. Ábyrgð

Við leggjum okkur fram við að allt á BaraMatur sé rétt og læsilegt, en veitum enga ábyrgð á að síðan sé alltaf laus við villur eða í fullri virkni. Við berum ekki ábyrgð á tjóni sem kann að verða af notkun uppskrifta eða upplýsinga á síðunni. Eldamennska er á þína ábyrgð og smekk.

7. Breytingar á skilmálum

Við uppfærum þessa skilmála þegar BaraMatur breytist. Ef breytingin er veruleg látum við þig vita með pósti eða tilkynningu á síðunni, og þú færð tíma til að skoða hana áður en hún tekur gildi. Dagsetningin efst á síðunni sýnir alltaf hvenær var síðast breytt.

8. Kaup í vefverslun

Í vefverslun BaraMatur seljum við eldhúsvörur sem við höfum valið sjálf. Um kaupin gilda þessir skilmálar, síðan „Afhending og skil“ og íslensk neytendalög. Öll verð eru með 24 % virðisaukaskatti. Samningur kemst á þegar greiðsla hefur verið staðfest og þú fengið pöntunarstaðfestingu í tölvupósti. Þú hefur 14 daga rétt til að falla frá kaupum eftir að þú tekur við vörunni og tvö ár, eða fimm ár fyrir vörur ætlaðar til langrar notkunar, til að kvarta yfir galla. Sérverð sem fylgir annarri vöru í körfu gildir aðeins meðan sú vara er í körfunni og er alltaf reiknað upp á nýtt á þjóninum áður en greitt er. Við áskiljum okkur rétt til að hafna pöntun ef verð eða lagerstaða reynist röng vegna augljósrar villu; þá færð þú fulla endurgreiðslu og skýringu. Seljandi er BaraMatur ehf. (sjá félagsupplýsingar á síðunni „Afhending og skil“).

Nánar um allt þetta: Afhending og skil.

9. Samband

Ef eitthvað er óljóst, þú fannst villu eða ert ósammála einhverju, endilega skrifaðu okkur á baramatur@baramatur.is. Við svörum.