Hvítlauks Humarhalar

Kveikið á ofninum og stillið hann á 200°C.

Klippið skelina á humrinum ofanvert, takið kjötið upp úr skelinni og hreinsið görnina. Kryddið kjötið með salti og pipar.

Bræðið smjörið í potti, pressið hvítlaukinn út í smjörið og látið malla á lágum hita í um 5 mínútur.

Bætið síðan rjóma og hænsnakrafti út í smjörið og hrærið vel. Látið blönduna malla í um 5 mínútur til viðbótar.

Setjið lítið magn af brauðraspi ofan á hvern humarhala og dreifið hvítlaukssmjörinu yfir með skeið.

Bakið humarhalana í ofni á 200°C í um 7 mínútur. Mikilvægt er að fylgjast vel með, þar sem eldunartími fer eftir stærð humarhalanna. Þegar þeir eru tilbúnir ættu þeir að vera hvítir og þéttir.

Berið fram með auka hvítlaukssmjöri og skreytið með ferskri steinselju.