Grillaðar lambakótilettur

Saxið hvítlaukinn smátt og myljið rósmarínið milli fingranna. Rífið börkinn af sítrónunni og kreistið úr henni safann.

Blandið saman 4 msk af ólífuolíu, hvítlauk, rósmaríni, sítrónuberki og helmingnum af sítrónusafanum.

Veltið kótilettunum upp úr kryddleginum og látið þær standa í kæli í minnst 30 mínútur og mest sólarhring.

Skerið laukinn í þunnar sneiðar og blandið honum saman við restina af sítrónusafanum og örlítlu salti í skál. Látið hann standa á meðan kjötið grillast.

Takið kjötið úr kæli um hálftíma áður en það fer á grillið. Strjúkið mesta kryddlöginn af svo hvítlaukurinn brenni ekki og saltið kjötið.

Veltið piparbelgjunum og tómötunum upp úr 1 msk af ólífuolíu og grillið þá í 5–8 mínútur, þar til þeir eru mjúkir og hýðið farið að dökkna. Færið þá svo til hliðar á grillinu svo þeir haldist heitir.

Grillið kótiletturnar á vel heitu grilli í 2–3 mínútur á hvorri hlið. Takið þær af grillinu við 55–57 °C kjarnhita ef þið viljið hafa þær bleikar, eða við 60–62 °C fyrir miðlungssteiktar, því hitinn hækkar um 2–3 °C á meðan kjötið hvílir.

Látið kótiletturnar hvíla í 5 mínútur og piprið þær. Hitið flatbrauðin í nokkrar sekúndur á hvorri hlið á grillinu og berið kótiletturnar fram á þeim með grilluðu piparbelgjunum, tómötunum og lauknum.